Kelihan Banjar Dinas Se-Desa Sibanggede Nyarengin Pemargin Bulan Bahasa Bali Warsa 2025

Magenah ring Ruang Rapat Jagadhita Kantor Perbekel Sibanggede Nemoning Rahina Soma Paing, 24 Februari Warsa 2025. Pemerintah Desa Sibanggede Ngemargian Bulan Bahasa Bali Sane manut ring pemargin Perda Provinsi Bali No. 80 Warsa 2018 indik Kawentenan Perlindungan dan Penggunaan Bahasa, Aksara lan Sastra Bali. Parikrama puniki kemargian antuk makudang - kudang wimbakara minakadi, Wimbakara Nyurat Aksara Bali sane kasarengin olih Sisya saking kelas 4 utawi 5 ring suang - suang banjar, wimbakara mesatua Bali olih krama istri lan wimbakara sambrama wacana sane kabaktang olih Kelihan Banjar Dinas se Desa Sibanggeds.

Ring sambrama aturnyane I Wayan Darmika ( Perbekel Sibanggede ) nguningayang ring warsane niki pemargin bulan bahasa bali kadagingin antuk pacentokan utawi wimbakara riantukan ring warsane sane sampun lintang sampun kemargiang pembinaan ring sajeroning napi sane jagi pacang kamargiang ring warsane mangkin. Ring aarsa sane jagi rauh Pemeritah Desa Sibanggede naler pacang ngemargiang pemargi sabe pateh ring warsane mangkin bilih- bilih parikramanyane pacang kawewehin malih antuk sabe mapaiketan sareng kasusastran Bali, pinaka cihna pemargin Ngerajegin Budaya Baline.

Naler rauh ring parikramane punika Manggala BPD, LPM, PKK Desa, Bhabinkantibmas lan Babinsa Desa Sibanggede. Indik Angga Panureksa Wimbakarane Puniki Penyuluh BaHasa Bali Saking Kabupaten Badung Lan Kecamatan Abiansemal. Kapanggih para pamilet wimbakara makasami sayan nincap ring kaweruhan pahan suang - suang. Nenten lali ring warsane mangkin Kelihan Dinas sehebag Desa Sibanggede taler nyarengin pemargi Wimbakara Sambrama Wacana sane kabaktayang becik tur pinaka cihna pembinaan sane sampun kalaksanayang ring warsa sane sampun lintang presida kadagingin, naler ring pemargin wimbakara masatu bali sane kabaktayang olih krama istri.*KIM_WP